महागाईची फाशी...!!!
कसली आहे ही गडबड
अन कसली ही खिचातानी,
लोकशाहीच्या युगामध्ये या
होणारच की मनमानी।
माझे तुला, तुझे मजला,
होऊ लागली आणीबाणी,
प्रत्येकाला उत्तर देता देता,
झालो घामाने पाणी पाणी।
अन्न, वस्त्र आणि निवारा
झाला आहे महागच जरा,
महागाईच्या या जीवनात
EMI वरच जगतोय जरा।
स्वप्न पाहिले मी माझ्या स्वप्नांचे,
घर दिसले ते समुद्र किनाऱ्याचे,
लाट आली ती महागाईची,
वाळू झालें त्या घराचे।
आजारांची तर आता सवयच झाली,
डॉक्टरांची डिगरी ही पाठ झाली,
ग्लुकोजच्या नावाखाली
केमिकलची ती फळे ही खाल्ली।
सब सी डी च्या नावाखाली
महागाईचा सिलेंडर
घरा घरात गेला,
भुके वाचून गरीब उपाशी
त्याच्या ताटातच मेला।
पक्ष पक्ष नावाचं व्हायरस
आयुष्यात आला,
आश्वासनांचा पोकळ डोंगर
मनात उभारून गेला।
स्वार्थी या समाजात राहण्यास
कसरत मात्र खूपच झाली,
बदलतं सरकार पाहता पाहता,
माणूस पोहचला स्मशानदारी,
माणूस पोहचला स्मशानदारी।
©सchin Poटे 🎭
No comments:
Post a Comment