💞मला ती नेहमीच आवडायची😍
तिची नेहमीच मी वाट पहायची
अन ति नेहमी
वेळे नंतरच भेटायची
आणि कारण तर तिची
नेहमीच तयार असायची।
भर पावसात यावं लागलं
म्हणून मुरका मारून बसायची,
ओलेचिंब होऊन जवळी यायची
अन तिला पाहताच जवळी येताना,
मी हि तिच्यात सामावून जायचो।
ती नेहमी वेग वेगळ्या
रूपातच दिसायची,
दिवाळी-दसऱ्याला
छान सजायची,
प्रत्येकाच्या सोबती असायची।
कित्तेक वेळेस रागाची बळी पडायची,
पण ती मुळीच नाही बोलायची,
दोष तिचा नसूनही
साऱ्यांचा रोष ती
आपल्यावरच ओढून घेयाची।
कधी मनुष्याच्या स्वार्थसाठी
केले तिने सहन,
तर कधी दगडांची शिकार व्हायची,
आले संकट कितीही
तरी नाही थांबायची।
ऊन असो कि असो पावसाळा
मला ती रोज भेटायची।
ती 🚃सकाळची ८.१३ ची ट्रेन....
मला नेहमीच आवडायची।
💗💓❣💞💓❣💞💗
🎭©सchin Poटे 🎭
No comments:
Post a Comment